Shrine News

ಕಾರ್ಮೆಲ್ ಸಾಯ್ಬಿಣೀಕ್ ಸಮರ್ಪಿಲ್ಲೊ ವಾಡೊ ಕಡೆಬೆಟ್ಟು
ಕಾರ್ಮೆಲ್ ಸಾಯ್ಬಿಣಿಚಿ ಪರಬ್ ಆಚರಣ್

ಹ್ಯಾಚ್ ಜುಲಾಯ್ ಮಹಿನ್ಯಾಚ್ಯಾ 16 ತಾರಿಕೆರ್ ಆಯ್ತಾರಾ ಸಕಾಳಿಂ 7:30ಮಿಸಾಕ್ ಸರ್ವ್ ವಾಡ್ಯಾಗಾರಾಂ ಹಾಜರ್ ಜಾವ್ನ್ ಸಾಯ್ಬಿಣಿಚ್ಯಾ ಮಾನಾಕ್ ದೆವಾಕ್ ಅರ್ಗಾಂ ಮೀಸ್ ಭೆಟಯ್ಲೆಂ. ವಾಡ್ಯಾಗಾರಾನಿಂ ಕಾಣಿಕ್ಯೊ ಹಾಡುನ್ ಪುರ್ಶವಾಂರ್ ದೆವಾಕ್ ಸಮರ್ಪಿಲ್ಯೊ. ಮಾ|ಬಾ|ಜೆನ್ಸಿಲ್ ಆಳ್ವಾ ಮಿಸಾಕ್ ಪ್ರಧಾನ್ ಯಾಜಕ್ ಜಾವ್ನ್ , ಮಿಸಾಚೆ೦ ಭಾಲಿದಾನ್ ಭೆಟಾಯ್ಲೆಂ ಮಾ|ಬಾ|ಆಲ್ಬನ್ ಡಿಸೊಜಾ ಆನಿ ಮಾ|ಬಾ|ಲ್ಯಾರಿ ಪಿಂಟೊ ಸಹಾ-ಭೆಟವ್ಣೆಂ ಕೆಲಿ. ಮಿಸಾ ಉಪ್ರಾಂತ್ ಭಕ್ತಿಕಾಂಕ್ ಬೆಂತಿಣ್ಯೊ ವಾಂಟ್ಯ್ಲೊ.

ಸಾಂಜೆರ್ 6:15 ವರಾರ್ ವಾಡ್ಯಾತ್ಲ್ಯಾ ಮೆಕ್ಸಿಮ್ ಲೀನಾ ಡಿಸಿಲ್ವಚಾ ಘರಾ ಫೆಸ್ತಾಚೆಂ ಆಚರಣ್ ಸುರು ಕೆಲೆಂ. ಸುರ್ವೆರ್ ವಾಡ್ಯಾತ್ಲ್ಯಾ ಎಕಾ ಕುಟ್ಮಾತ್ಲ್ಯಾ ಎಕ್ ಸಾಂದ್ಯಾಂನ್ ವಾತಿ ಪೆಟಯ್ಲ್ಯೊ. ಸರ್ವಾಂನಿ ಮರಿಯೆಚೆಂ ಸುತ್ತಿ ಗೀತ್ ಗಾಯ್ಲೆಂ. ಉಪ್ರಾಂತ್ ಪ್ರತಿನಿಧಿ ಮಾನೆಸ್ತ್ ಡೆನಿಸ್ ವಾಸ್ ಹಾಚ್ಯಾ ಮುಖೆಲ್ಪಣಾರ್ ಕಾರ್ಮೆಲ್ ಸಾಯ್ಬಿಣಿಚೊ ತೇರ್ಸ್ ಭೆಟಯ್ಲೊ. ಚಲಿಯೆ ಭುರ್ಗ್ಯಾಂನಿ ಸ್ವಾಗತ್ ನೃತ್ಯ್ ಸಾದರ್ ಕೆಲೊ. ಗುರ್ಕಾರ್ ಮಾನೆಸ್ತ್ ಮಾರ್ಸೆಲ್ ಮೆಂಡೊನ್ಸಾ ಹಾಣಿ ಪ್ರಸ್ತಾವನ್ ಕರ್ನ್ ಆಯಿಲ್ಲ್ಯಾ ಸಯ್ರ್ಯಾಂಕ್ ಸ್ವಾಗತ್ ಕೆಲೊ. ಮುಕೆಲ್ ಸಯ್ರೆ ಜಾವ್ನ್ ಫಿರ್ಗಜ್ ವಿಗಾರ್ ಮಾ|ಬಾ|ಆಲ್ಬನ್ ಡಿಸೊಜಾ, ಸಯ್ರೆ ಜಾವ್ನ್ ಸಹಾಯಾಕ್ ವಿಗಾರ್ ಮಾ|ಬಾ|ಲ್ಯಾರಿ ಪಿಂಟೊ, ಫಿರ್ಗಜ್ ಗೊವ್ಳಿಕ್ ಮಂಡಳೆಚೊ ಉಪಾಧ್ಯಕ್ಷ್ ಸಂತೋಷ್ ಡಿಸಿಲ್ವ, ಕಾರ್ಯದರ್ಶಿ ರೊನಾಲ್ಡ್ ನೊರೊನ್ಹಾ, 20 ಆಯೊಗಾಚಿ ಸಂಯೊಜಕಿ ಬೆನೆದಿಕ್ಟಾ ನೊರೊನ್ಹಾ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚಿ ಸಂಯೋಜಕಿ ಶ್ರೀಮತಿ ಪಾವ್ಲಿನ್ ಕ್ರಾಸ್ತಾ, ಅತ್ತೂರ್ ಕೊವೆಂತಾಚಿ ವ್ಹಡಿಲ್ನ್ ಸಿ. ಕಾರ್ಮಿನ್ ಪಿರೇರಾ , ನಿತ್ಯಾ ಸಹಾಯಾ ಮಾತೆ ಕೊವೆಂತಾಚಿ ವ್ಹಡಿಲ್ನ್ ಸಿ. ಶಾಂತಿ , ಗುರ್ಕಾರ್ ಶ್ರೀ ಮಾರ್ಸೆಲ್ ಮೆಂಡೊನ್ಸಾ ಹಾಣಿ ವೆದಿರ್ ಬಸ್ಕಾ ಘೆತ್‍ಲ್ಲಿ. ಹೆರ್ ವಾಡ್ಯಾಚಿ ಗುರ್ಕಾರ್ , ಪ್ರತಿನಿಧಿ ಆನಿ ಫಿರ್ಗಜ್ ಗೊವ್ಳಿಕ್ ಮಂಡಳೆಚೆ ಸಾಂದೆಂ ಹಾಜರ್ ಆಸ್ಲೆ.

ವಾಡ್ಯಾಚಿ ಪ್ರತಿನಿಧಿ ಶ್ರೀಮತಿ ಲಿನಾ ಡಿಸಿಲ್ವ ಹಾಣಿ ವರ್ಸಾಚಿ ವರ್ದಿ ವಾಚ್ಲಿ. ಪಿ.ಯು.ಸಿಂತ್ ಉತ್ತಮ್ ಅಂಕ್ ಜೊಡ್ಲ್ಯಾ ಭುರ್ಗ್ಯಾಂಕ್ ಮಾನ್ ಕೆಲೆಂ. ಮುಖೆಲ್ ಸಯ್ರೊ ಮಾ|ಬಾ|ಆಲ್ಬನ್ ಡಿಸೊಜಾ ಹಾಣಿ ವಾಡ್ಯಾಚ್ಯಾ ದಿಸಾಚೆಂ ಫೆಸ್ತಾಚೆಂ ಮಹತ್ವ್ ತಿಳ್ಸಿಲೆಂ. ಉಪಾಧ್ಯಕ್ಷ್ ಸಂತೋಷ್ ಡಿಸಿಲ್ವ ಹಾಣಿ ವಾಡ್ಯಾಗಾರಾಂಚೊ ಸಾಂಗಾತ್ ಆನಿ ಮುಕೆಲ್ಪಣ್ ಘೆತ್ಲ್ಯಾ ಸಾರ್ವಾಂಕ್ ಶಾಭಾಸ್ಕಿ ಉಚಾರ್ಲಿ.. ವಾಡ್ಯಾಚ್ಯಾ ಭುರ್ಗ್ಯಾಂನಿ, ಯುವಜಣಾನಿಂ, ಸ್ತ್ರಿಯಾನಿಂ ಫಿಲ್ಮಿ ಡ್ಲಾನ್ಸ್, ಬೈಲಾ ಡ್ಲಾನ್ಸ್ ಸದಾರ್ ಕೆಲೊ. ಮೆಲ್ರೊನ್ ಮೆಂಡೊನ್ಸಾ ಆನಿ ಮೆಲ್ರೋಯ್ ಡಿಸಿಲ್ವನ್ ಖೆಳ್ ಚಲವ್ನ್ ವ್ಹೆಲೆ ಜಿಕ್ಲೆಲ್ಯಾಂಕ್ ಗುರ್ಕಾರ್ ಮಾನೆಸ್ತ್ ಮಾರ್ಸೆಲ್ ಮೆಂಡೊನ್ಸಾನ್ ಇನಾಮಾಂ ವಾಂಟ್ಲಿಂ. ಫ್ಲಾವಿಯಾ ನೊರೊನ್ಹ ಹಾಣಿ ಧನ್ಯವಾದ್ ಪಾಟಯ್ಲೆಂ. ಮಾ|ಬಾ|ಲ್ಯಾರಿ ಪಿಂಟೊನ್ ಜೆವ್ಣಾಚೆರ್ ಆಶೀರ್ವಾದ್ ಘಾಲೊ. ಜೆವ್ಣಾ ಸಂಗಿಂ ಆಚರಣ್ ಸಂಪ್ಲೆಂ. 150 ಲೋಕ್ ಹಾಜರ್ ಆಸ್ಲೊ. ಜುಲಾಯ್ ಮಹಿನ್ಯಾಂತ್ ಜಲ್ಮಾ ದೀಸ್ ಆಚರಣ್ ಕರ್ಚ್ಯಾ ವಾಡ್ಯಾಗಾರಾನಿಂ ಕೇಕ್ ಕಾತರ್ನ್ ಉಲ್ಲಾಸಿಲೆಂ. ಕಾಜರಾಚೊ 15 ವೆ ವರಸ್ ಆಚರಣ್ ಕರ್ಚ್ಯಾ ಎಲಿಯಾಸ್ ಆನಿಂ ಕ್ಲಾರಾ ಲೊಬೊಕ್ ವಾಡ್ಯಾಗಾರಾನಿಂ ಉಲ್ಲಾಸಿಲೆಂ.