Shrine News

ಜುಲೈಚಾ 31 ತಾರೀಕೆರ್ ದನ್ಪಾರಾ 12 ವ್ಹರಾರ್ ಅತ್ತೂರ್ ಸಾಂ. ಲೊರೆಸ್ ಬಸಿಲಿಕಾಂತ್ ಚೇತನಾ ಮಹಾ ಸಂಘಚ್ಯಾ ಸ್ತ್ರೀ ಯಾನಿ ಸಾಂಗಾತಾ ಮೆಳೊನ್ ಆಟಿ ಮಹಿನ್ಯಾಂತ್ ಏಕ್ ದೀಸ್ ಆಚರಣ್ ಕೆಲೊ.

ವಿಗಾರ್ ಮಾ. ಬಾಪ್ ಆಲ್ಬನ್ ಡಿಸೋಜಂಚ್ಯಾ ಅಧ್ಯಕ್ಷ್ ಪಣಾರ್ ಕಾರ್ಯೆಂ ಚಲ್ಲೆ. ಸ್ತ್ರೀ ಸಂಘಟನ್ ಆನಿಕೀ ಭಳಾದಿಕ್ ಜಾಂವ್ದಿ. ಮುಖ್ಲ್ಯಾವರ್ಸಾನಿ ಫಿರ್ಗಜೆಚ್ಯಾ ಸರ್ವ್ ಸ್ತ್ರೀ ಯಾನಿ ಸಾಂಗಾತಾ ಆಚರಣ್ ಕರುಂಕ್ ಪಾವೊ ಜಾಂವ್ದಿ ಮ್ಹಣ್ ಬೊರೆಂ ಮಾಗ್ಲೆ. ಅಧ್ಯಾತ್ಮಿಕ್ ಯಾಜಕ್ ಮಾ. ಬಾಪ್. ರೋಮನ್ ಮಸ್ಕರೇನ್ಹಸ್,ಸಹ ಯಾಜಕ್ ಮಾ.ಬಾಪ್ ಲ್ಯಾರಿ ಪಿಂಟೊ ಹಾಜರ್ ಆಸ್ ಲ್ಲೆ.

ಆಟಿ ಮಹಿನ್ಯಾಂತ್ ಮಾಜ್ರಾಕೀ ಶಿತ್ ನಾ ಮ್ಹಳ್ಳಿ ಮಾಲ್ಗಾಡ್ಯಾಂಚಿ ಗಾದ್ ಆಸಾ. ಆದಿಂ ಮಾಗಾ ಆಟಿ ಮ್ಹಹಿನ್ಯಾಂತ್ ಕಷ್ಟಾಂಚ್ಯಾ ಖಾಳಾರ್ ಕಿತೆಂ ಸಕ್ಕಡ್ ಖಾಣಾ ವಾಪಾರ್ತಾಲಿ ಮ್ಹಳ್ಳ್ಯಾಚೊ ಉಗ್ಡಾಸ್ ಕಾಡ್ನ್ ವಿವಿಧ್ ಖಾಣಾ ತಯಾರ್ ಕರ್ನ್ ಸಾಂಗಾತಾ ಖುಷಿ ಪಾಂವ್ಚೊ ದೀಸ್. ಹರ್ಯೆಕಾ ಸ್ತ್ರೀ ಸಂಘಟಣಾಚಾ ಸ್ತೀಯಾನಿ ತೈಕುಳೊ,ಬಿಕ್ಣಾ, ಆಳುಂ, ಮೊಸ್ಕಾ ಬಾಜಿ, ವಿವಿಧ್ ರಿತಿಚ್ಯೊ ಚೆಟ್ನ್ಯೋ, ಪೊಣೊಸ್, ಆಂಬ್ಯಾಚಿ ನಿಸ್ಥಿಂ,ಆನಿ ಖಾಣಾ, ರಾಂದ್ವಾಯ್ ಆಶೆಂ ವಿವಿಧ್ ರಿತಿಚಿ ಖಾಣಾ ತಯಾರ್ ಕೆಲ್ಲಿ.

ಸಚೇತಕ್ ಸಿಸ್ಟರ್ ಪ್ರೆಸಿಲ್ಲಾ, ಅಧ್ಯಕ್ಷಿಣ್ ಸಿಂತಿಯಾ ಪಾವ್ಲಾ, ಕಾರ್ಯದರ್ಶಿ ಜೋಯ್ಸ್ ಸಾಂಗಾತಾ ಮೆಳೊವ್ನ್ ಖೆಳ್ ಚಲೊನ್ ವೆಲೆ.

ಸರ್ವಾಂ ಸಾಂಗಾತಾ ಮೆಳೊನ್ ಶಿರೆತ್ಯೊ ಗಾಲ್ನ್ ರುಚಿಕ್ ಜೆವಾಣ್ ಜೆವ್ಲ್ಯಾಂವ್.

ಸರ್ವಾಂಕ್ ಬೆನೆಡಿಕ್ಟಾ ನೊರೋನ್ಹಾನಿ ಸ್ವಾಗತ್ ಕೆಲೆಂ. ಹೆಲ್ವಿನ್ ಮಥಾಯಸ್ ನಿ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಬೆನೆಡಿಕ್ಟಾ ಪಿಂಟೊ ನಿ ಕಾರ್ಯಕ್ರಮ್ ಚಲೊನ್ ವೆಲೆ.

80 ಸ್ತ್ರೀ ಯಾನಿ ಹ್ಯಾ ಕಾರ್ಯಕ್ರಮಾಂತ್ ಭಾಗ್ ಘೆತ್ಲೊ. ಪೈಲೆ ಪಾವ್ಟಿಂ ಅತ್ತೂರಾಂತ್ ಹೆಂ ಕಾರ್ಯೆ ಚಲ್ಲೆ.